香港明星鼓励警察开真枪：事情很快就能解决

　　陈百祥7月曾到警总撑警，日前再与老婆黄杏秀带同烧鹅及奶茶现身疑似警署慰警，更发表"伟论"撑警开真枪，指："如果我做警务处处长就好喇，两个月前已经开咗真枪，就好快解决。"惹来之前曾狠批他的阮民安再次扯火，爆粗闹他："阿叻，X你，人命嚟㗎！𠵱家栋笃笑咩。"

　　香港反送中运动延续至今，政府继续漠视民间的五大诉求，警方多次滥打滥暴，引起市民不满。陈百祥在7月10日已曾现身警察总部撑警，随后再与肥妈（Maria Cordero）出席撑警活动表态。

　　昨日有陈百祥到警署撑警的片段在网上疯传，陈百祥被警员及职员围着说："最后嗰条防线就系你哋，成个香港𠵱家你哋睇住，我唔知香港其他部门点样睇，我觉得只有警察系唯一最正义、最识道理，其他部门好似帮唔到你哋手咁。同埋我一早行出嚟撑你哋，但系我超咗龄，辅警都做唔到，如果唔系，就喺大家左右一齐做，1968年考差人，我谂我都大过晒呢度所有嘅人，因为我都奔紧『七』，今年69岁，仲系可以喺警察部成日同你哋啲同事踢波。因为我近旺角，我教出嚟嗰啲足球员系你哋啲教练，不过个个都退晒役。"

　　沾沾自喜

　　其间在场警员及职员不时拍掌附和，沾沾自喜的陈百祥续说："觉得你哋好伟大，佢哋唔止搞你哋，仲搞埋屋企人，呢啲系完全……我喺香港出世，47年英殖时代，我都未见过，到回归呢二十年，更加未见过，我系谂都谂唔到香港会系咁。当然系好多嘢出咗问题，教育、成个社会出咗问题，但系没办法，希望你哋继续，我希望唔使继续，但没办法，我觉得系近尾声，大家再顶埋呢十日、八日左右，我谂！"

　　片段尾声，陈百祥竟口出狂言鼓励警察开真枪："佢哋成日话解放军，其实没可能系解放军，因为解放军系对外敌，就算喺内地都系，军队系向外，所谓嘅公安，即系你哋呢班警察系对内，我哋香港内部嘅事情，一定系内部去解决，个问题系几时解决，即系如果我做警务处处长就好喇，两个月前已经开咗真枪，就好快解决，不过你哋仲系好忍得，俾人掟完汽油弹都唔开真枪！"

　　"人命嚟㗎"

　　之前曾狠批陈百祥的阮民安，昨日为此事再在fb闹爆他："阿叻，X你，人命嚟㗎！𠵱家栋笃笑咩，叻啦，返去后台补妆先啦，X头！两个月前，我X了陈百祥，两个月前，我XX了陈百祥个仆街个仆街fd何君妖，上个礼拜，我XX了Fishmenlok，结论系，我好少公开XX人，亦都好少乱X人，我X得嘅，都真系一个仆街嚟，信我！"

　　不少网民也异口同声直斥陈百祥，指他不单吹捧自己，更鼓励警员开真枪："如果陈百祥企我呢边，我都觉得好X，但系popo好受落。"、"话没部门帮到手，只有警察，阿叻呢句毒到呢，将全个政府同警察对立"、"佢做警务处长，可能两日就输晒啲钱没粮出。"